नेपाली हास्यव्यङ्ग्य अनलाइन पत्रिका

धुलो धुवा भिडभाड हुन्छ तिम्रो काठमाडौंमा
सधैं तछाडमछाड हुन्छ तिम्रो काठमाडौंमा ।

खुसी खोज्ने नियतले कोहि नआए हुन्छ
जिन्दगी नै उजाड हुन्छ तिम्रो काठमाडौंमा ।

पानी समेत किन्नुपर्छ अरु कुरै छाड्दिउँ
क्षणमै गोजी टाट हुन्छ तिम्रो काठमाडौंमा ।

वल्लो घरको छिमेकीलाइ दुख पर्दाखेरी
पल्लो घरमा चाड हुन्छ तिम्रो काठमाडौंमा ।

सुबिधाको नाउमा सबै लुट्ने मात्रै हुन्छन्
अभावैको पहाड हुन्छ तिम्रो काठमाडौंमा ।

भ्रष्टाचारी अपराधी दलाल र तस्करहरूलाई
मन्त्री ज्यूको आड हुन्छ तिम्रो काठमाडौंमा ।