नेपाली हास्यव्यङ्ग्य अनलाइन पत्रिका

उसले फेरि पनि तरवार देखायो
द्वन्द्वमा जलेका ती घरवार देखायो ।

ऊ जे पनि गर्न सक्छ अहिले पनि
त्यसैले सबैको सामु हुँकार देखायो ।

गरिबको नाममा आएको सहयोग
ऊ एक्लैले हसुरेर डकार देखायो ।

ऊदेखि अहिले पनि सबै डराउँछन
ऊ बलियो हैन तर हतियार देखायो ।

ऊ चुस्छ जनताको रगत र पसिना
लाजै नमानी नीरिह सरकार देखायो

कहाँबाट दिउँसै ढुनमुनिदै आयौ
प्रश्नको उत्तरमा उसले “बार” देखायो ।

काठमाडौं