नेपाली हास्यव्यङ्ग्य अनलाइन पत्रिका

सवै थोक खाए पनि भोको छ काठमाडौं ।
अभावमा पिल्सियर रो’को छ काठमाडौं ।।

ढल खन्याइ नुहाउँछ रातको अँधेरीमा ।
तर पनि रारा भन्दा चोखो छ काठमाडौं ।।

मै नै खाउँ मै नै लाउँ भन्दछ सधैंभरि ।
छलछाम भ्रष्टाचारको पोको छ काठमाडौं ।।

गाउँलाई पछारेर अगाडि भागेको छ ।
महँगीको सगरमाथा छो’को छ काठमाडौं ।।

हिमाल पहाड नदी ताल हेरेर मनै भरें ।
मन्दिरको शहर हेर्ने धोको छ काठमाडौं ।।