पदम भण्डारीढलेको छ देश यो
छट्टु, उल्लु, ढाँटले नै चलेको छ देश यो
फोस्रो धमास् धम्कीले नै हल्लेको छ देश यो ।
बिद्वत् बर्ग नेपथ्यमा झोक्राएर बसेको छ
चण्डालको ध्रुत्याईंले गलेको छ देश यो ।
कुन क्षेत्र चोखो छ र ? बिकृतिले ढाक्या छ
भाषण र नाराले नै थलेको छ देश यो ।
शान्ति चैन लुटिएर, मनमा आगो दन्कन्छ
हुल्दङ्गा र आग्जनीले बलेको छ देश यो ।
राजनीति, राजनेता जालझेलमै व्यस्त छन्
माथि उठ्न खोज्दा खोज्दै ढलेको छ देश यो ।
आषाढ ६ गते आइतबार
Subscribe
Login
0 Comments
Oldest
