नेपाली हास्यव्यङ्ग्य अनलाइन पत्रिका

१. समय कहाँ रह्यो र ?

जीवनमा हिसाब त कहिल्यै मिलेन
नमिले पछि लेख्ने कुरा नै रहेन
जीवनका उकाली ओरालीहरूमा
जोडघटाऊ गर्दा गर्दै
कपालको सेतो रंग र
दाँतले बिदा मागेको पत्तै भएन
छोरा, नाति खेलाउँदा खेलाउँदै
जीवनले बिश्राम मागेको मेसै भएन
परोपकारको त ध्यानै आएन
अब केही गरूँ त भन्दा समय रहँदै रहेन ।

२. आ–आफ्नो रुचि

छोरालाई बाईक चाइयो
छोरीलाई बुटिक
आमालाई ब्यूटी पार्लर त
बाबुलाई डिस्कोबार
छोरालाई इस्म्याक्स भए
छोरीलाई गाजल पाउडर
आमालाई त डेटिङ नै काफी
बाबुलाई चाहिँ झोलचौटाकै प्यार ।

काठमाडौं