नेपाली हास्यव्यङ्ग्य अनलाइन पत्रिका

श्रीमती छ भनेर फूर्ति लाउँथ्यौ अति
दिनदिनै लोप्पा खुवाउँछे आफ्नै श्रीमती ।

श्रीमती गृहमन्त्री भइहालिन् भात आफै पकाऊ,
श्रीमतीलाई पूजा गर आफैंलाई छक्याऊ ।

जे जे भन्छिन् सुन्दै जाऊ, डराऊ बरु नकराऊ
बुढीलाई मिठाई चढाऊ, आफूचाहिँ आलु खाऊ ।

मेक अपको माग चर्काे छ पूरा गर ।
गहनाको चाहना छ थैली झोली भर ।

देवीजस्ती छौ, तिमी भनी मानसम्मान चढाऊ
तिमी आफू नोकर बस, स्वास्नीलाई महारानी बनाऊ ।

ऊनी जागिरे भए चुपचाप भात पकाउ लुगा धोऊ,
अगाडि ङिच्चङिच्च पछाडि क्वाँ क्वाँ रोऊ ।

श्रीमती फेसनमा च्याट्ट–चुट्ट सारीमाथि कोट,
श्रीमानचाहिँ सुट न बुट भित्री पेटीकोट ।

साथीभाइ कहाँ पुगिसके अझै ऊ व्यवहारमा तस्र्या छैन,
हिजो श्रीमतीले नामर्द भन्दै कुट्या नि बिस्र्या छैन ।

समानताको गाना गाऊ, श्रीमानको टुप्पी समाऊ,
श्रीमती लिन्छिन् सुत्केरी भत्ता, तिमी केरा खाऊ ।

लैङ्गिक दूरी घटाऊ दारी काट्न बुढीलाई लगाऊ,
आफ्नो काम फत्ते पार्न सुन्दरीलाई खटाऊ ।

बढीचढी चण्डी भई गर्न खोजे संहार,
सके बस ढाड थापी नत्र भाग कतार ।

चारघरे, नुवाकोट