मुन्द्रा बाँडे जस्तो लाग्छ
संस्कृतिको खम्बा यहाँ उल्टो गाडे जस्तो लाग्यो
अस्तित्व र पहिचान धेरै फाँडे जस्तो लाग्यो ।
गुन्युचोली मिनिस्कटमा, सुरुवाल चैं काट्या पाइन्टमा
परिवर्तन गरी स्वाभिमान छाडे जस्तो लाग्यो ।
दिदीबैनी कस्ले छोटो लाउने भनी प्रतिष्पर्धा
एकबित्ते कपडाले चलन भाँडे जस्तो लाग्यो ।
केटीहरू कपाल काट्छन्, केटाहरू बाट्न थाले
आजकलको चलन हेर्दा धेरै भाँडे जस्तो लाग्छ ।
फेसनले केटा हो कि केटी चिन्नै पनि गाह्रो पर्यो
केटीको ठुटे पाइन्ट, केटालाई मुन्द्रा बाँडे जस्तो लाग्छ ।
सुनखानी– २, दोलखा