धनराज गिरीआफ्नै बाउको पेवा ठान्नुभयो
संसारको सार जति मै हुँ भन्ने ठान्नुभयो
खेला सबै मैले मात्रै जानेको छु भन्नुभयो ।
जनतालाई आफ्नै पाउको धुलो जस्तो गरी
झुट जति मैले मात्रै बोल्नुपर्छ ठान्नुभयो ।
आफ्नै मात्रै फाईदामा कुद्दा कुद्दै सँधै
अरु पनि बुझ्छन् भन्ने कैल्यै जान्नुभयो ?
जतिसुकै गरे पनि झुटैझुटको खेती
देश चाहिँ आफ्नै बाउको पेवा ठान्नुभयो ।
देखाएर विपक्षीलाई हिलो हाल्ने खाडी
आफू चाहिँ दुधले धोएको चोखो बन्नुभयो ।
अझैसम्म जे गरे नि भएकै छ क्यारे
भ्रष्टाचार र घूसलाई मेवा मान्नुभयो ।
आँखिभुईं– ८, संखुवासभा
Subscribe
Login
0 Comments
Oldest
