नेपाली हास्यव्यङ्ग्य अनलाइन पत्रिका

धुलोधुँवा भीडभाड हुन्छ तिम्रो काठमाडौंमा
सधैं तँछाडमछाड हुन्छ तिम्रो काठमाडौंमा ।

खुशी खोज्ने नियत राखी कोही नआए हुन्छ
जिन्दगीनै उजाड हुन्छ तिम्रो काठमाडौंमा ।

पानी पनि किन्नुपर्छ अरु झन के कुरा
क्षणमै गोजी टाट हुन्छ तिम्रो काठमाडौंमा ।

बागमती र विष्णुमती नाममै सीमित रैछन्
फोहोरकै पहाड हुन्छ तिम्रो काठमाडौंमा ।

चोर फटा अपराधी बलत्कारी दलालहरूलाई
मन्त्रीज्यूको आड हुन्छ तिम्रो काठमाडौंमा ।

छेउकै घरको छिमेकीलाई दुःख पर्दा पनि
अर्को घरमा चाड हुन्छ तिम्रो काठमाडौंमा

खगेनकोट–९, मंसिरी, जाजरकोट