नेपाली हास्यव्यङ्ग्य अनलाइन पत्रिका

१. कुरा काट पर्तियोगिता

संसारभरका देशहरू बीच कुरा काट प्रतियोगिता गराइएको थियो । सो प्रतियोगिता नेपालका तर्फबाट गफाडी प्रतियोगी सनकमान बिजयी भएर पहिलो हुनु भए । अरू देशका गफाडीहरू हारेका थिए । हारेका प्रतियोगीहरूलाई पत्रकारहरूले सोधे- तपाईंहरू यति सानो देशका गफाडीसँग हार्नुभयो नि ! हारेका उनै प्रतियोगीले पत्रकारहरूलाई भने- हामी काम गर्दागर्दै फुर्सदै पाउन्नौ, उनीहरू कुरा काट्दा काट्दै फुर्सदै पाउँदैनन् । तिनीहरू यसमा माहिर पनि छन्, त्यस्ताका अगाडि हामीले कहाँ जित्छौ त !

हारेका प्रतियोगीको कुरा सुनेर पत्रकार पो बेहोस ।

२. बनेपाका बुद्वरत्न

बनेपाका बुद्वरत्नले खाना खाँदैगर्दा बुहारीमाथि जहिले पनि टोकस्न र किचकिच गर्दै कराउँथे । अति भएर एकदिन बुहारीले हाँस्दै भनिन्- बा ! यो घरमा सधै मैले नै पकाई तुल्याई गरेर ख्याउँदै आइरहेकी छु । सबैलाई मीठै लाग्छ क्यारे ! तपाईंलाई चाहिँ के हुन्छ कुन्नि, जहिल्यै गनगन मात्रै गर्नुहुन्छ । ठीकै छ त बा ! यस्तो खोट लाउन जान्ने मान्छेले त मीठैसँग पकाउनुहुन्छ होला नि ! तपाईंले एकचोटी मात्र मलाई पकाएर ख्याउनुस् त ! कस्तो पकाउनु हुन्छ भनेर म पनि जाँच्छु नि !

त्यसपछि बुद्वरत्नको बोली सधैका लागि बन्द भयो ।

३. ऊ जस्तो बाठो

एकदिन घरमा पारिवारिक जमघट थियो । फुर्सदमा बच्चाहरूले उफ्रेर दुःख दिनथाले । जेठी फुपूले भन्नुभयो- अहिलेका बच्चाहरू साहै बाठा ! कुरा पनि त्यस्तै, हाम्ले त भ्याउनै नसक्ने ! त्यही मौका छोपेर मैले भने- किन नहोस् त ! डाक्टर साहेबले भन्नु भाको, आमा दुई जीउकी हुँदा आमाले जे खान्छ पेट भित्रको बच्चाले पनि त्यही खान्छ । त्यस्तो बेलामा आमाले बढी टेलिभिजन हेरिन् भने के हुन्छ ? त्यहाँ उपस्थित एउटा बाठो बच्चातिर सङ्केत गर्दैै मैले थपेँ- उ त्यो जस्तो बाठो हुन्छ क्या त ।

०००
चाबहिल, सरस्वतीनगर