नेपाली हास्यव्यङ्ग्य अनलाइन पत्रिका

दुर्गा रिमाल अधिकारी :

घ्याम्पे भुँडी, चेप्टे भुँडी, हाँडीघोप्टे भुँडी आदि भुँडीका पुराण लेख्ने हाम्रा बाजे भैरव अर्याल हुनुहुन्थ्यो । अब चाहिँ अर्यालको भुँडी पुराणमा कही थप्नु पर्ने भएको छ- यसै क्रममा म अलि केही कुरा थप्दैछु ।

एक नम्बरमा कुरौटे भुँडीः यस प्रकारको कुराको भकारी हुन्छ, काम भने केही लछारपाटो लाउँदैन ।

दुई नम्बरमा अल्छे भुँडीः यो भुँडी पनि अल्छी मात्र गर्छ काम भने लछारपाटो लाउँदैन ।

तीन नम्बरमा डाहाडे भुँडीः यसखाले भुँडीले अर्काको डाढो मात्र गर्छ काम भने लछारपाटो लाउँदैन ।

चार नम्बरमा आहारिसे भुँडीः यस किसिमको भुँडीले आहारिस मात्र गर्छ, काम भने लछारपाटो  लाउँदैन ।

पाँच नम्बरमा घूस्याहा भुँडीः घूस, घूस र घूस खान्छ । यसैमा पल्केको छ । विकासका काममा लछारपाटो लाउँदैन ।

छ नम्बरमा भ्रष्ट भुँडी : भ्रष्टाचार गर्छ जनताको काम र जनताको भुँडी भर्दैन ।

सात नम्बरमा महलका भुँडीः महलमा बसेर हसुर्छ, काम भने लछारपाटो लाउँदैन ।

०००
कलङ्की, काठमाडौं