नेपाली हास्यव्यङ्ग्य अनलाइन पत्रिका

तीर्थराज अधिकारी :

हेलो तीर्थजी ! उतै जान लाथेँ, बाटोमै भेट भयो ।

कहिले आउनु भयो ? गाउँतिर सबैलाई सञ्चै छ ?

भएका जति सञ्चै छन् । गाउँमा को पो छन् र ? सबै लागे विदेशतिर । ठिटो भन्नु यो एउटा हो, यसले पनि खुट्टा उचालेको छ । पढन मन गरेन । राम्रो फोटो खिच्ने ठाउँमा पुर्‍याउनु पर्‍यो यसलाई । राहदानी लिन आएका हौँ ।
म अफिस हिँडेको हुँ, हतार छ । उ त्यो ‘फोटो केन्द्र’ लेखेको टाउँमा जानोस् । तपाईंले भने जस्तो फोटो बनाइदिन्छ । राहदानी लिन त जिल्ला प्रशासन जानु पर्छ ।

त्यो त थाहा छ, साह्रै लाटो त कहाँ छु र ?
(बेलुका डेरामा आउँदा त बाबु-छोरा मलाई पर्खेर बसेका रहेछन्)
देख्नासाथ भनिहाले, ‘तपाईंले भनेको टाउँमा राम्रो फोटो खिच्दो रहेनछ । जिल्लामा मान्दै मानेनन् । हुँदैन यो फोटो त भने ।’
खै फोटो हेरौँ त ।
यी, छन त जस्ताको तस्तै छ नि ।

कहाँ यस्तो फोटोले हुन्छ त राहदानी बनाउनको लागि ? अनुहारमात्र पो देखाउने हो । पासपोर्ट बनाउन भन्नु पर्दैनथ्यो ।
धत्तेरी ! नयाँ जुत्ता किन्दिनु मात्रै भो त !

०००
पोखरा १०, हाल -संयुक्त राज्य अमेरिका