नेपाली हास्यव्यङ्ग्य अनलाइन पत्रिका

अमर अधिकारी :

(दुईजना साथी भेट भएपछि चिया पसलमा पसेर गफमा देखिए)

रामेश्वरः मैले त मुख नधोइकन खाना खान थालेको धेरै भैसक्यो।

दामोदरः तपाईँ जस्तो पण्डितको छोराले यस्तो भन्न सुहाउँछ?

रामेश्वरः अनि दिनहुँ नुहाएपछि बेग्लै मुख धुनु जरुरी छ र ?
१

(दुई पार्टीका दुई उम्मेदवारबीचको संवाद)

पहिलोः मैले बेकारमा उम्मेदवारी दिएछु हारेपछि खुशी हुनेछु म त, तपाईँ जित्नुस्, शुभकामना छ।

दोस्रोः अरु जितेपछि खुशी हुन्छन्, तपाईँ त बेखुशी हुन्छु पो भन्नुहुन्छ, किन हो ?

पहिलोः यदि चुनाव जितिएमा सरकारले थोरै सुविधा दिन्छ, निबासमा ओइरिने कार्यकर्तालाई चिया खुवाउन पनि पुग्दैन, त्यो कम सुविधाले गर्दा मैले खेतबारी नै बेच्नुपर्ने अवस्था आउँछ कार्यकर्ता पाल्न।
२

(बिहानै श्रीमान-श्रीमतीका कुरा)

श्रीमतीः हैन तपाईँले भगवानको पूजा गर्न छाडेर मान्छेको पूजा किन गर्नुभएको ?

श्रीमानः भगवानका मूर्ति कुँद्ने र चित्र कोर्ने मान्छे हुन् यी। यिनी नभएको भए भगवान कसरी बन्थे ? खोई कुरा बुझेको ?
३

(नातीले होमवर्क गर्दैगर्दा हजुरबाको आदेश)

हजुरबाः मेरो चस्मा कता हरायो नाती ? खोजि देऊ त ! भर्खरै यहीँ थियो।

नातीः मिसकल दिनुस् न हजुरबा ! अस्ति मम्मीले मोबाइल खोज्दा नभेटेपछि बाबाले “मिसकल देऊ न ! भेटिन्छ” भन्नुभाको थियो।
४

०००
खुंग्री रोल्पा। हालः बुढानिलकण्ठ, काठमाडौँ।