जुनी भण्डारीमायाको एक्स्पायरी डेट
दुईचार दिनमै ब्रेक-अप हुने, छुटेपछि एक्स रे, बाचा कसम जस्तै सस्तो नेट हुन्छ अचेल ।
जुनी भण्डारी
मायाको एक्स्पायरी डेट हुन्छ अचेल
खुद्रा अनि होल्सेल यस्को रेट हुन्छ अचेल ।
किन चाहियो हुलाक अनि मध्यस्तकर्ता,
म्यासेन्जर नै दिलमा छिर्ने गेट हुन्छ अचेल ।
चिठ्ठीपत्र चाहिँदैन, सायरी मुक्तक कोरिंदैन,
अनलाईनमै चौबिस घण्टा भेट हुन्छ अचेल ।
ब्युटी मोडमा फोटो खिचि फेसबुकमा राखेपछि,
दुई मिनेटमै रिलेशनसीप सेट हुन्छ अचेल ।
दुईचार दिनमै ब्रेक-अप हुने, छुटेपछि एक्स रे,
बाचा कसम जस्तै सस्तो नेट हुन्छ अचेल ।
०००
हेटौँडा
