नेपाली हास्यव्यङ्ग्य अनलाइन पत्रिका

राम बहादुर पहाडी :

छैन कमाइ मेरो मागेर खाऊँ कसोरी ?
आज बुढेस कालमा परदेश जाऊँ कसोरी ?

दुख्छ शरीर ठाउँ ठाउँ चल्दैन हात गोडा
खल्तीमा छैन सुको उपचार गराऊँ कसोरी ?

बुढो भए र यस्तो भोगी रहेछु पीडा
थापेर हात ज्यून बेचूँ म नाउँ कसोरी ?

मलमूत्र खाएँ जसको हेला भएँ उसैको
आफन्तीलाई यस्तो व्यथा सुनाऊँ कसोरी ?

हेर्दिनँ यसको मुखै कान्छो छोराले भन्छ चिन्दिनँ
भन्छ जेठो, गजल यो गाऊँ कसोरी ?

लाग्छ असाध्य माया आफ्ना छोराछोरीको
मनभित्र पाकि रैछ घाउ लुकाऊँ कसोरी ?

०००