नेपाली हास्यव्यङ्ग्य अनलाइन पत्रिका

जीवन कहिले पुतलीका भाँचिएका पखेटा जस्तो,
जीवन कहिले समृद्धि भएर पनि खाते केटा जस्तो,
सपनाहरू भरिएर पनि छरिएकोछु आफ्नै वरिपरि,
जीवन कहिले भूलवश थिचिएर उडेको डेटा जस्तो ।१।

जीवन त्यस्तै हुन जान्छ, हुन्छ जस्तो विचार,
विचार अनुरूप नै जीवन, हुन जान्छ विस्तार,
नकारात्मक भावले मेटिदिन्छ जीवन आनन्द,
जीवनले समात्छ धार, जस्तो मनको विकार ।२।

मिथ्याभिमान होइन जीवनमा, स्वाभिमान जरुरी छ,
स्वाभिमानबाट समृद्धि ल्याउन, अनुसन्धान जरुरी छ,
झूठो अहंकारलाई टेवा दिँदा जीवन हुनजान्छ भार,
स्वाभिमान अभिमान बीच फरकको ज्ञान जरुरी छ ।३।

जीवन, बाँच्न जान्नेका लागि अनुष्ठान हो,
अनुष्ठानमा खान पाइने मीठो मिष्ठान्न हो,
तर जहिले पनि मचाइ राख्छ घमासान,
उसका लागि त जीवन युद्धको मैदान हो ।४।

वरिाटनगर