नेपाली हास्यव्यङ्ग्य अनलाइन पत्रिका

१
ज्ञान गुनका कुरा गर्छ, कसरी म बुद्ध भनौं
अचेल नेता र राजनीति, कसरी म शुद्ध भनौ
नेता नालीमा भेटिन्छ,राजनिति आर्यघाटमा
कुटिन्छ भागबण्डामा,कसरी म युद्ध भनौ ।

२
भोक लाग्यो भनि, रुँदै गरुन् ती
रित्तो भए पेट, आफैँ भरुन ती
कोरोना र डेङ्गुको, महामारी मा
मलाई भोट नदिने, थला परुन् ती ।

३
यमराजले सोधे भने, छिटो आउदैछ रे भन्नु
ठाउँ राख्दिनु मालदार, बिटो ल्याउदैछ रे भन्नु
बरु उतै चढाउँला, जीवनभरको सबै कमाइ
चामल देखाएर भुसको, लिटो ख्वाउँदैछ रे भन्नु ।

४
छायाँ हेर्न नि सक्दैन, एउटै चुलो हुने हो कि
पानी पटाउँदा के गर्नु, साझा कुलो हुने हो कि
ओकल्नु न निल्नु होला, मङ्सिर पछि माया
पराइलाई काखी च्याप्दा, घरै धुलो हुने हो कि !

०००
चितवन