मुक्तिनाथ शर्मातीन ठोक्तक
हाँको डाँकोभित्र भै काम गर्थें कैलेकाहीँ चट्ट खुट्टा उफार्थें ऐले मान्छे जुर्मुराएर आए मौका पाए मै सबै ठीक पार्थें ।
१
माछो खोज्दा भ्यागुतो हात आयो
ढोग्थ्यो जस्ले आज लात्तो उचाल्यो
के भो यस्तो बुझ्न मैले सकिन
यस्ले मनमा आँधी नै छुट्न थाल्यो ।
२.
आरोपै छ पत्नी माथि उठायो
पत्नीभ्रातालाई के के दिलायो
नारी पत्नी पत्नीभ्राता सबैको
उद्धार गर्दा किन आरोप आयो ?
३.
हाँको डाँकोभित्र भै काम गर्थें
कैलेकाहीँ चट्ट खुट्टा उफार्थें
ऐले मान्छे जुर्मुराएर आए
मौका पाए मै सबै ठीक पार्थें ।
०००
वानेश्वर, काठमाडौं
Subscribe
Login
0 Comments
Oldest
