नेपाली हास्यव्यङ्ग्य अनलाइन पत्रिका

छायादत्त न्यौपाने :

१.
यो हो कुरौटे मेलो
सञ्जालको सङ्कुचन
मन-विवेक विचलन ?

२.
चतुर खेलाडी हुँ
सुन साट्छु घुनशीत
ध्याउन्न मेरो म बाँच्ने ?

३.
तिखा ती काँडाहरू
फूल मन पर्ने मान्छे
जतनले बाँच्छ जीवन !

४.
कुरा हुन्छन् माटाका
यी कर्म जति व्यक्तिका
द्वन्द्व चल्छन् भागबिलाका !

५.
म रम्छु पैसासँग
मन रम्छ मनसँग
जीवन हो सिर्जनासँग !

६.
पुरानै छ नि नसा
नफेरी हुन्न टाउको
सबै जोगी कान चिरुवा ?

७.
पेलिने हो निमुखा
पेल्छ सत्ता भत्ता जत्था
व्यक्ति-सुख, राज्य खपत ?

०००
पर्वत, हाल- काठमाडौं