नेपाली हास्यव्यङ्ग्य अनलाइन पत्रिका

तीर्थराज अधिकारी :

१.
सायद नक्कली नवाब भएर होला
खैर, बिरसिलो स्वभाव भएर होला
आफ्नै हातले त सिंदुर छोएकै छैन
खाली सिऊँदोको अभाव भएर होला ।

२.
कुनै बन्द छन् कुनै ढोका खुलेका छन्
कुनैबाट आफ्नालाई भित्र हुलेका छन्
क्या मस्तीछ ! जनआवाज पुग्दैन त्यहाँ
कुनै निदाएका छन् कुनै झुलेका छन् ।

३.
लामो खडेरीबाट उब्जिएको त्रास भागेको छ
मनमा अलिकति आशाको तान्द्रो जागेको छ
कतै रुखका हाँगामा देखिन थाले चातकहरु-
अब त चाँडै नै वर्षा होला जस्तो लागेको छ।

०००
पोखरा- १०, हाल- संयुक्त राज्य अमेरिका