नेपाली हास्यव्यङ्ग्य अनलाइन पत्रिका

नवराज कार्की :

१.
कोइलीले सुर सिकेर गीत गाएको छैन,
सुगाले झैँ अरुको कुरा भट्याएको छैन
कोइली स्वतन्त्र छ तर सुगा बन्दी छ किन ?
अझै उसले त्यो कारण चाल पाएको छैन ।

२.
आँखा भोकाए पो हिमाल राम्रो देखिन्छ, पेट भोकाएको छ,
खाली पेटमा हिमाल हेदा मेरो आँखा रसाएको छ,
भो नगर यस्तो कुरा म भोकाएको बेला,
“सुन्या हो ? हजुरलाई ढाकाटोपी क्या सुहाएको छ !”

३.
म त्यति महत्वपूर्ण पनि छैन
म त्यति महत्वहीन पनि हैन
के केही हुनै पर्छ भन्ने छ,
के केही पनि नहुन पाइँदैन ?

०००