नेपाली हास्यव्यङ्ग्य अनलाइन पत्रिका

छायादत्त न्यौपाने :

१.
गाएँ गीतानुकूल
कुम्ल्याएँ पेटानुकूल
अर्थ्याएँ आफू अनुकूल !

२.
यात्रा न हो जीवन
डुलौं सँगै मनजस्तै
गति आफै पुग्छ शिखर !

३.
खेत माग्छ कोदालो
जाँगर भर्छ बिहानी
चुनौती उधिन्ने जीवन ।

४.
सुन्दर छ जीवन
भरौं पसिनाको गन्ध
मुस्कुरायोस् सिङ्गै संसार ।

५.
जन्जालभित्र मान्छे
सङ्घर्ष बाल्दै छ बत्ती
उज्यालो पर्खदै झोपडी ।

६.
बल छ पैसा उत्ति
जत्ति पुग्छ मान्छे पिट्न
शक्ति सम्पन्न छ है रक्सी !

७.
होड छ परासनी
डोब छ बेरोजगारी
के छ योजना सरकारी ?

८.
पारौँ न चाटचुट
लागौँ न तनको पछि
राखौँ न मन, मनसँगै !

९.
हिँडे बाटो मिचेर
खाएँ झोपडी बेचेर
रमेँ भोका पेट देखेर !

०००
काठमाडौं