खगेन्द्र नेउपानेतीन ठोक्तक
लठुवा पनि विद्वान हुन्छ एकदुई सूत्र घोकेपछि निधारमा चाँदन अनि गेरुबस्त्र ठोकेपछि श्रीमतीले सङ्का गर्नु स्वाभाविक नै हो नि हजुर पुराण वाचन गर्न जाँदा अस्थाई साधन बोकेपछि ।
खगेन्द्र नेउपाने :
१.
आफ्नाआफ्नै जिन्दगी छन् आफ्ना आफ्नै कर्म
आफ्नाआफ्नै चन्दन तिलक आफ्ना आफ्नै धर्म
नेताजीका अनेकानेक रुपरङ्ग देख्दा
आजभोलि लाग्न थाल्यो लाजलाई नि शर्म ।
२.
लठुवा पनि विद्वान हुन्छ एकदुई सूत्र घोकेपछि
निधारमा चाँदन अनि गेरुबस्त्र ठोकेपछि
श्रीमतीले सङ्का गर्नु स्वाभाविक नै हो नि हजुर
पुराण वाचन गर्न जाँदा अस्थाई साधन बोकेपछि ।
३.
कहिले ठट्यौलो बानीमा गल्ती गरिन्छ
कहिले जानीजानी या नादानीमा गल्ती गरिन्छ
जस्लाई आफ्नु बनाउन सकिन्न नि जीवनमा
उसैलाई राखेर आँखाको नानीमा गल्ती गरिन्छ ।
०००
गौरादह, झापा
Subscribe
Login
0 Comments
Oldest
