नेपाली हास्यव्यङ्ग्य अनलाइन पत्रिका

लक्ष्मण नेवटिया :

करार-सरकार- १

पहिले हुन्थ्यो
दुई मिनेटमा चाउचाउ तयार
अहिले हुन्छ तयार
दुई मिनेटमा नै
नयाँ “करार सरकार”।
कसलाई के भन्नू ?

अखबार खोज्दैछ घरबार- २

पहिले संसार बुझ्न
खोज्नु पर्थ्यो अखबार
अहिले अखबार आफैँ खोज्दैछ
कता छ उसको घरबार।
कसलाई के भन्नू ?

मोलतोल बिनाको मोल- ३

पहिले साप्ताहिक हाटको
सबैतिर थियो ठाँटबाट
अहिले सबै एकदामका
थपिएका छन्
मोलतोल बिनाका मोलघाट।
कसलाई के भन्नू ?

०००
विराटनगर