दिव्य गिरीतीन ठोक्तक
यहाँ कसले सक्छ ? तपाईंको जस्तो चाल चल्न । आफ्नै मात्र भुँडी भर्नमा तपाईं माहिर हुनुहुन्छ !
दिव्य गिरी :
१.
मै हूँ भन्नेको पनि अाचरण किन खराव छ ?
पण्डित भन्नेको पनि अगाडि किन सराव छ ?
बुझेर बुझिनसक्नु छ शासकहरूको षड्यन्त्र
यहाँ रामहरूलाई रावण बन्न किन दवाव छ ?
२.
तपाईं छेपारोले झैँ रङ फेर्नुहुन्छ घरिघरि
तपाईं एउटै कुर्सीलाई नै हेर्नुहुन्छ घरिघरि
तपाईंको चाला उहिलेदेखि नै खराब थियो
आफन्त कै घाँटी पनि सेर्नुहुन्छ घरिघरि ।
३.
कुरा र भाषण गर्नमा तपाईं माहिर हुनुहुन्छ
सुटुक्क ढुकुटी चर्नमा तपाईं माहिर हुनुहुन्छ
यहाँ कसले सक्छ ? तपाईंको जस्तो चाल चल्न ।
आफ्नै मात्र भुँडी भर्नमा तपाईं माहिर हुनुहुन्छ !
०००
ललितपुर
सटिक व्यंग्य