नेपाली हास्यव्यङ्ग्य अनलाइन पत्रिका

प्रमुना पौडेल (अदृश्य मन) :

१
बेलाबेलामा बल्झिने घाउ मेरो पनि छ
तिम्राे जास्तै दिलको तलाउ मेरो पनि छ
सधैं पाखे भनेर नबाेलाउ भाे मलाइ
बा आमाले राखेको नाउँ मेरो पनि छ ।

२.
बिग्रियो मति भट्टी छिरेपछि
के हुन्थ्यो प्रगति भट्टी छिरेपछि
अब त गोजीमा एक रुपैयाँ छैन
सिकयाे सारा सम्पति भट्टी छिरेपछि ।

३.

यो मुटुमा चोट सहने ठाउँ मेरो पनि छ
अलिकति त बजारमा भाउ मेरो पनि छ
भाडामा बस्छे भनेर नहेप ए घरबेटी बा
अरे, सानो घर सुन्दर गाउँ मेरो पनि छ ।

०००
रामेछाप