नेपाली हास्यव्यङ्ग्य अनलाइन पत्रिका

राजेन्द्रकुमार बज्राचार्य :

छोरा ती अब दामको सहजमा, छोडे स्वदेशी धरा ।
जस्तै होस् अब मामको रहरमा, लागे विदेशी गरा ॥
एक्लोझैँ अब लाग्छ यो हृदयमा, ध्यानी जसै साधक ।
वृद्धाको प्रति धारणा मनुजमा, छोडोस् सकारात्मक ॥२२॥

खै ! नैराश्य रहे भने मनुजमा, सक्दैन बढ्नै अघि ।
राखौं उच्चमनोेबलै सहजले, चिन्ता परेको घडी ॥
होऊन् साथ सधैँ सहायक कुरा, लागोस् विचारात्मक ।
वृद्धाको प्रति धारणा मनुजमा, छोडोस् सकारात्मक ॥२३॥

सम्झौं भोजन खास सन्तुलितको,शैली लिओैं जीवन ।
चाहोस् शान्ति सदैव मानसिकको, गाथा सुनौं पावन ॥
फेरोस् सोच विचार मानव यहाँ, वृद्धा जसै लायक ।
वृद्धाको प्रति धारणा मनुजमा, छोडोस् सकारात्मक ॥२४॥

पाकाको जब चाहना भजनमा, रम्ने सदा हुन्छ नै ।
आत्मा शुद्ध गरेर ईश्वर जहाँ, आराधना गर्छ नै ॥
चाहोस् भक्ति सदैव ईश्वर कहाँ, आस्था बडा कारक ।
वृद्धाको प्रति धारणा मनुजमा, छोडोस् सकारात्मक ॥२५॥

लागोस् धेर यहाँ हियो उपरमा, त्यो शान्तिको वाटिका ।
नाचे हुन्छ गरेर याद प्रभुको, गाएर गाथा निका ॥
होस् एकाग्र स्वचित्तमा सहजले, भुल्दै सदा बाधक ।
वृद्धाको प्रति धारणा मनुजमा, छोडोस् सकारात्मक ॥२६॥

०००
काठमाडौं