जीवन ‘पीडित’ दाहालघोषणा पत्र
बोका बाख्राको चर्तिकलाले ममा झन् कुतुहलता बढायो अनि मैले आफ्नो कुतुहलता मेटाउने हेतुले फेरि बोकालाई नै प्रश्न राखें- “तैंले गर्न खोजेको चैं के हो त ? मैले त फिटिक्कै बुझिन नि ।”
कतै जाँदै थिएँ, बाटामा अचम्मको दृश्य देखा पर्यो अर्थात् बाटैका छेउमा बनेको चौतारोमा उभिएर एउटा गन्धे बथ्थु बोको “ब s s ऊ s s भत्-भत्-भत्, ब s s ऊ s s भत्-भत्-भत”-गर्दै फत्फताउँदै रहेछ ।
मलाई आश्चर्य लाग्यो, बोको त बाख्री छेउमा देखे फत्फताउने हो तर यो त एक्लै फतफताउँदै छ; के भएछ हँ ? यसलाई ? भनेर ममा जान्ने उत्सुकता नबढाइ छोडेन ।
म बोकाको नजिकै गएँ र एकतमासले फत्फताइ रहेको बोकालाई सोधें- “किन एक्लै फत्फताइ रहेको छस् हौ नाथे तँ ?”
मेरो बोलीले उसको धारा प्रवाह फत्फताइमा अवरोध हुन पुगेकाले राताराता आँखा तरेर मलाई हेर्यो र डिलमुनि देखाउँदै भन्यो- “के को एक्लै ? देखेनौ मेरा यतिका कार्यकर्ता र मतदाता ?”
नभन्दै चौतारोको एक कान्लामुनि हेरेको त जे भएका भेडा बाख्रा आँखा चिम्लेर घोसेमुन्टो लाउँदै उँघिरहेका रहेछन् र तिनै उँघिरहेका भेडा बाख्राहरूलाई सुनाउन बोको चौतारोमा फत्फताउँदो रहेछ ।
बोका बाख्राको चर्तिकलाले ममा झन् कुतुहलता बढायो अनि मैले आफ्नो कुतुहलता मेटाउने हेतुले फेरि बोकालाई नै प्रश्न राखें- “तैंले गर्न खोजेको चैं के हो त ? मैले त फिटिक्कै बुझिन नि ।”
“चुनाव आएको थाहा छैन ? घोषणा पत्र सार्वजनिक गरेको नि !”- बोकाको उत्तर थियो ।
०००
गौरादह, झापा
Subscribe
Login
0 Comments
Oldest
