तीन दिन बाहिर खान जाने
श्रीमतीजी रिसाएपछि घरको खाना पनि बन्द भएर लामै उपवास पो होला जस्तो भयो । अब मोरक्कन रेस्टुराँ नगएर भयो ? गाह्रो छ नि, मखुला पासा ?
म : अब हामी हप्ताको तीन दिन बाहिर खान जाने ।
श्रीमतीजी : के आश्चर्य यो ! किन ? प्रमोसन भयो कि के हो बुढा ? कि, तलब बढ्यो ?
म : यो अवकाशतिर लागेको उमेरमा के को प्रमोसन हुनु ।
श्रीमतीजी : अनि, लाइफ स्टाइलमा चाहीँ के को प्रमोसन नि त ?
म : के हुनु ? तिमीलाई कति भान्छा चुल्हो गर्न लगाउँ भनेर ।
श्रीमतीजी : भाँडा माझ्न झ्याउ लाग्यो कि के हो ?
म : हैन, बाहिर खान गयो भने यसो स्वाद पनि फेरिन्छ । बाहिरको स्वाद अर्कै हुन्छ नि !
श्रीमतीजी : त्यो त हो । बाहिर घुम्दा जीउ पनि हल्का हुन्छ । बुढाबुढीमात्र धुमुधुमती कति घरमा बस्नु ? बल्ल बुढाको घैँटोमा घाम लागेछ । तीन दिन त जाने, कहाँ कहाँ जाने ? म त राम्रो रेस्टुराँ मात्र जाने हो, पहिल्यै भन्देको छु ।
म : एकदम राम्रो ठाउँ लग्छु । एकदिन उत्तर भारतीय खाना खान लक्ष्मी नारायण मन्दिर, अर्को दिन दक्षिण भारतीय खान सिद्धि विनायक मन्दिर र अर्कोदिन पंजाबी खाना खान साक्रमेन्टो गुरुद्वारा लग्छु ।
(उक्त मन्दिरहरूमा राम्रो भोजनको व्यवस्था हुन्छ । त्यसमा पनि गुरुद्वाराको भोजन विशेष मीठो हुन्छ ।)
श्रीमतीजी : के रे ? … … … …
श्रीमतीजी रिसाएपछि घरको खाना पनि बन्द भएर लामै उपवास पो होला जस्तो भयो । अब मोरक्कन रेस्टुराँ नगएर भयो ? गाह्रो छ नि, मखुला पासा ?
०००