प्रमोद अमात्यगजबकै हुन्छ
संसदमा कुकुर बिराला जस्तै बाझ्नेहरू पनि भत्ता सुविधा बढ्ने भए आलिंगन गजबकै हुन्छ ।
प्रमोद अमात्य :
नेतालाई गाली गर्ने नेपालीपन गजबकै हुन्छ
नेतासामू आउँदा गाउने भजन गजबकै हुन्छ ।
फटाहा, लुच्चा अनि छुच्चालाई गाली नगर तिमी
यिनीहरूकै सरकारमा जाने लगन गजबकै हुन्छ ।
भन्नलाई देश बिगार्नु बिगार्यो भ्रष्ट नेताले भन्छौँ
चुनावमा भ्रष्ट नेताकै जित झन् गजबकै हुन्छ ।
संसदमा कुकुर बिराला जस्तै बाझ्नेहरू पनि
भत्ता सुविधा बढ्ने भए आलिंगन गजबकै हुन्छ ।
कोहि आफूलाई गुरु, बाबा अनि साधु भन्छन्
लोभ लालच छैन भन्नेकै धन गजबकै हुन्छ ॥
०००
क्यालिफोर्निया, अमेरिका ।
Subscribe
Login
0 Comments
Oldest
