नेपाली हास्यव्यङ्ग्य अनलाइन पत्रिका

प्रेमदत्त कलौनी :

नेता हरामी ठगठाग गर्छन् ।
पैसा छ ठूलो सब देश बेच्छन् ॥
छन् वेदनाका अति उच्च पोका ।
दिन्छन् अचम्मै दलदास धोका ॥१

गुलाम पारे यिनले त देश ।
युवा यहाँका जति छन् विदेश ॥
बग्दैछ उल्टो किन आज कोका ।
दिन्छन् अचम्मै दलदास धोका ॥२

वास्ता नगर्ने सरकार कस्तो ।
दिदैछ नारा पनि आज सस्तो ॥
खोल्दैन उद्योग रहेछ बोका ।
दिन्छन् अचम्मै दलदास धोका ॥३

हत्या र हिंसा खुब राज गर्छन् ।
विकास छोडेर विनाश गर्छन् ॥
तयार पार्छन् घर खेत ढोका ।
दिन्छन् अचम्मै दलदास धोका ॥४

शिक्षा बिगार्ने पथभ्रष्ट जाली ।
ठूला कुरा छन् मनको छ जाली ॥
लुटेर खान्छन् सबथोक भोका ।
दिन्छन् अचम्मै दलदास धोका ॥ ५

०००
कञ्चनपुर