नेपाली हास्यव्यङ्ग्य अनलाइन पत्रिका

प्रेमदत्त कलौनी :

गुट हो गुरुको मर्म गुटले हुन्छ फाइदा
गुट गर्न नसक्नेले बुझ्दैनन् सब काइदा

गुटको स्वार्थ रक्षार्थ लड्न डट्न तयार छौँ
गुटको हित रक्षार्थ मर्न मार्न तयार छौँ

गुट भए सबै हाम्रो हुनेछ राज यो सखे
गुट भत्के सबै गुम्छ रहन्न राज यो सखे

गुट सर्वाेच्च संस्था हो गुट हो ऐन कानुन
गुटमा बस्न मान्दैनन् तिनले दुः ख पाउन

गुटका नाइके हाम्रा देवता तुल्य ठान्दछु
बाबा आमा सबैभन्दा श्रेष्ट हुन् गुरु मान्दछु

गोपनीय सबै कार्य गुट गर्छ निरन्तर
गुट हो साहरा मेरो अर्को चीज कहाँ छ र ।

०००
महेन्द्रनगर