प्रेमदत्त कलाैनीचमचासन
दुनियाँभरमा चमचासनको महिमा छ ठुलो यस आसनको क्षमता ममता यसमै छ खडा रमिता अमिता यसमै छ पडा ।
प्रेमदत्त कलौनी :
चमचासनले धन लाभ हुने
चमचासनले मन शान्त हुने
चमचासनको गुणगान गरौँ
चमचासनको अब मान गरौँ ।
चमचासनमा कति छन् घरका
चमचासनमा कति छन् परका
चमचासनले शुखशान्ति दिने
चमचासनमा नव कान्ति हुने ।
सब पाप अनिष्ट निवारणको
चमचासन नै जड कारण हो
चमचासनमा धन वैभव छ
चमचासनमा अझ गौरव छ ।
दुनियाँभरमा चमचासनको
महिमा छ ठुलो यस आसनको
क्षमता ममता यसमै छ खडा
रमिता अमिता यसमै छ पडा ।
पद मान र सान रवाफ हुने
यश इज्जतले परिपूर्ण हुने
चमचासनको अब ध्यान गरौँ
चमचासनको अब मान गरौँ ।
०००
कञ्चनपुर
Subscribe
Login
0 Comments
Oldest
