सञ्जय साह मित्रदाबी
तीनोटा पत्नी राखेका एक अधबैंसेले पोस्ट्याए- मेरो वास्तविकता पनि बुझ्नुस् । उनले तीनौटै पत्नीको हँसिलो मुहारसहित आफ्नो पनि छविचित्र राखेका थिए ।
सञ्जय साह मित्र :
फोर जिपिए ल्याएर उसले जिल्लामा रेकर्ड बनायो । त्यसपछि सुरु भयो दाबीको खेल ।
एउटा बोर्डिङले हाजिरी रजिस्टरको विद्यार्थी उपस्थिति र त्रैमासिक परीक्षाको रिजल्टसहित उसको फोटो राखेर सामाजिक सञ्जालमा दाबी गर्यो- यो बोर्डिङ जिल्लाको सर्वोत्कृष्ट हो, हाम्लाई बधाई ।
एउटा सरकारी स्कुलले उसको सिम्बोल नम्बरसहित फोटो र ग्रेडसिट राखेर पोस्ट गर्यो- हाम्ले इतिहास रच्यौँ, हाम्लाई बधाई छ ।
एउटा कोचिङ सेन्टरले पनि बेहोरा पोस्ट्यायो- हाम्रो मिहिनेत सफल भएको छ, हामी जिल्लामा टप भयौँ । हाम्लाई बधाई ।
अनि बहस सुरु भयो- एउटै परीक्षार्थी कसरी तीनोटा संस्थाको ? कसैले सिम्बोल नम्बर, कसैले हाजिरी र कसैले कोचिङको पढाइलाई महत्व दिइरहेका थिए । सामाजिक सञ्जालमा बहस र दाबीको ओइरो लागेको थियो । ओइरोले खोइरो पनि खनेको थियो ।
तीनोटा पत्नी राखेका एक अधबैंसेले पोस्ट्याए- मेरो वास्तविकता पनि बुझ्नुस् । उनले तीनौटै पत्नीको हँसिलो मुहारसहित आफ्नो पनि छविचित्र राखेका थिए ।
०००
गरुडा, रौतहट
Subscribe
Login
0 Comments
Oldest
