बाल्छन् कयौँले चुलो
छोरो ढाँट्छ पिता मुमा र दुलही छोरी छ उस्तै फटा । छोयो है कलि-कालले घरघरै मान्छे सबै छन् लुटा ॥ विश्वासै सब भत्कियो गजबले नाता र सम्बन्धमा । छैनन् हार्दिकता विवेक र दया दन्क्यो सबै अग्निमा ॥
बद्रीप्रसाद दाहाल :
केन्द्रैदेखि प्रदेश वाडतक नै छन् हन्तकाले गण ।
बाङ्गा उग्र छली कली-मगजका छोटे रजौट व्रण ॥
कामै चोर बन्यो प्रशासन हरे खुल्ला चल्यो दस्तुर ।
लुच्चा जो ढँटुवा र कोश चटुवा बन्छन् हरे दिग्गज ॥
छोरो ढाँट्छ पिता मुमा र दुलही छोरी छ उस्तै फटा ।
छोयो है कलि-कालले घरघरै मान्छे सबै छन् लुटा ॥
विश्वासै सब भत्कियो गजबले नाता र सम्बन्धमा ।
छैनन् हार्दिकता विवेक र दया दन्क्यो सबै अग्निमा ॥
राम्रा बात सखाप भै मुलुकमा उल्टा चले सङ्गत ।
चर्का लाजहराम रावण बढे हुन्नन् कबै मङ्गल ॥
लोभी छन् पदका निरीह कदका हुङ्कार गर्छन् ठुलो ।
जे जे मिल्छ लुटेर ढाँट छलमा बाल्छन् कयौँले चुलो॥
०००
धादिङ