नेपाली हास्यव्यङ्ग्य अनलाइन पत्रिका

आँसु झारेर
लेख्छु मुटु भित्र नै
गाँठो पारेर ।

माघे संक्रान्ति
चलाउने दिन यो
धर्म संस्कृति ।

दैवको लिला
केही थाहा नहुने
भरे के होला ।

काठमाडौंमा
ठण्डी धेरै चम्कियो
जाने पोखरा ।

यात्रु बोकेर
उड्यो यती जहाज
जान पोखरा ।

कर्मचारी हुन्
दुईजना चालक
जम्मा चार छन् ।

यात्रु जनमा
अठसठ्ठी जनाको
खुसी मनमा ।

पुग्यो पोखरा
सफा थियो आकाश
लायो रे फन्का ।

अवतरण
गर्न खोजे सकेनन्
सेती शरण ।

दुर्घटना भो
ज्यान गयो अकाल
बहत्तरको ।

मनकामना
किन तिमी बुझ्दिनौं
जन भावना ।

व्यर्थै ज्यान गो
के नै गल्ती थियो र
यी निर्दोषको ।

वाक्य नै छैन
दिवंगत आत्मामा
श्रद्धासुमन ।

अनुभवी थे
बस्ती सबै जोगाए
पाइलटले ।

नमानी भय
आफ्नै ज्यान गुमाए
बस्ती जोगाए ।

गयो पराण
बुझ्न अझै बाँकी छ
के हो कारण ।

०००
कपन, काठमाडौं