नेपाली हास्यव्यङ्ग्य अनलाइन पत्रिका

डिल्लीप्रसाद अधिकारी :

जीवन !
तिमी भन्थ्यौ मलाई रातको पनि अनिकाल छ
म भन्छु मलाई दिनको पनि अनिकाल छ
घरमा स्वास्नी बिमारी राखेर
छिमेकीका छोराको बिहे खान
मेरो दायित्व बनेको छ ।
मराउमा, पुराणमा, भर अभरमा
हो जीवन !
हाम्रो उपस्थिति महत्वपूर्ण हुँदैछ
आशावादी हुनुपर्छ जीवन
नभए डोरीको खपत धेरै हुनजान्छ ।

तिमीले छोडेको त्यो देशमा
हामी अलिकति मात्रै बाँचेका छौँ
ग्यान्छे अस्ट्रेलिया बस्छ
उतै काम गर्छ
फूर्वा पनि अचेल अवकाशप्राप्त
सिलगडीमा बस्छ
श्रीलालको म पनाती
छोराहरूलाई लागू पदार्थ
र रक्सीसँग साटेर
अहिले बिहामा, मराउमा,
मेलापातमा व्यस्त छु
अहिले मलाई सञ्चै छ ।
थिरुप्रसाद नेपाल चोर्छु ल
जीवन !
मलाई त सञ्चै छ
ज्यानलाई कस्तो छ ।

०००
रिनाक बजार, सिक्किम