नेपाली हास्यव्यङ्ग्य अनलाइन पत्रिका

सुभाषचन्द्र देवकाेटा :

बुढो नहुने को छ ?
न मर्ने पनि को छ ?

आखिर,
बुढो हुनु पनि छँदैछ,
मर्नु पनि एक दिन छँदैछ।

अनि, के को
दम्भ र अहंकार गर्छौं ?

कहाँ न कहाँ पुग्नु छ झै गरेर,
आफ्नैहरुलाई धकेलेर
किन बुर्कुसी हान्छौं ?

टुप्पाबाट नझरेको को छ ?
सत्ताबाट नलडेको को छ ?

आखिर
तल झर्नु पनि छँदैछ
लड्नु पनि एक दिन छँदैछ।

अनि, के को
ध्वाँस लगाउ्छौं ?

कहाँ न कहाँ पुग्नु छ झैं गरेर
आफ्नैको गला थिचेर
किन किच्च हस्छौँ ?

०००
गाेरखा