नेपाली हास्यव्यङ्ग्य अनलाइन पत्रिका

रणबहादुर बुढाथोकी ‘भैया’ :

कालेको बाले षोडशी हाले भास्सिए रुपमा
कान्छीको रिस पछि पो देखे नाकको टुप्पामा
जोईटिङ्ग्रे छोरो कुरौटे छोरी निर्मोही बुहारी
कुकुर अनि बिरालो बनी खेल्दछन् जुहारी।

राजसी ठाँट अझै छ आँट ऋणको भरमा
लिलामी चढ्यो धितोको जग्गा मान्दैनन् सरम
बचेखुचेको इज्जत फाले बाबु र बाजेको
सपना अझै मरेको छैन बहुला काजीको।

ती लालाबाला छन् भोलाभाला नाति र नातिना
अक्क न बक्क बोल्दैनन् कठै भक्कानो छातीमा
कहिलेसम्म रहने होला एकल बोलवाला
सशक्त बनी आउन कोही भोलिको हकवाला।

०००
बूढानीलकण्ठ – ८, हात्तीगौँडा
काठमाडाैं ।