नेपाली हास्यव्यङ्ग्य अनलाइन पत्रिका

१. हामीले बोर्डर पार गरिसक्यौं र ?

पुलिसले कार ड्राइवरलाई रोकेर भन्यो “यो सुरक्षा सप्ताह हो, तपाईं सीट बेल्ट बाँधेर कार चलाउँदै हुनुहुन्छ, त्यसैले तपाईंलाई रु. ५ हजार पुरस्कार दिइन्छ । तपाईं यो पैसाले के गर्नुहुन्छ ?

कार ड्राइवर : म यो पैसाले आफ्नो ड्राइभिङ लाइसेन्स बनाउँछु ।

पछिल्लो सिटमा बसेकी उसकी आमाले भनिन्– “यसको कुरामा विश्वास नगर्नुस्, यो त रक्सी खाएर जे पनि भन्छ् ।”

उसको बाउले निद्राबाट बिउँझेर पुलिसलाई देखेपछि भने– “मलाई थाहा थियो चोरीको गाडीमा हामी धेरै टाढा जान सक्दैनौं ।”

त्यतिखेरै डिक्कीबाट आवाज आयो–
“गुरु ! हामीले बोर्डर पार गरिसक्यौं र ?”

२. सिधै सभासद्

नेपाली उखान टुक्का र जोक
रामे– श्यामेलाई गाली गर्दै : चोर, डाँका, फटाहा, बलात्कारी, ज्यानमारा,
राहदानी बेचुवा, अल्छी, भातमारा, सुतुवा, ट्वाँके …

श्यामे– के बाह्र सत्ताईस कुरा गर्छस् ? सिधै भन् न ‘सभासद्’ भनेर !!