नेपाली हास्यव्यङ्ग्य अनलाइन पत्रिका

वरको सिन्को पर पनि न सार्ने प्रोफेसर चिमोरिया अचेल घरमा जे पनि गर्छन् । कपडा धुन्छन । बाआमाको स्याहार सुसार, झाडु लगाउने, भाँडा माझ्ने, फूलबारीमा गोडमेल, भान्साको काम सबै । बेला मौकामा बजारको होटल–रेस्टुराँमा गएर पाक कला सिकेको र सो सम्बन्धी किताब पढेको कुरा पनि पत्नी गीताले थाहा पाइन् । यसरी पतिदेवमा आमूल परिवर्तन आएको देखेर बोलिन् गीता–

‘ओ प्रोफेसर साब, के भयो हजुरलाई ? बिहे भएको ३६ बर्षसम्म यो लिला देख्नुपरेको थिएन ।’

‘भाग्यवान, डीभी पर्यो । भीसा लाग्यो । अब त्यो कुनै हालतमा पनि ठग्न नपाइने संसारमा जानु छ । यो पूर्वतयारी हो… अभ्यास !’

चितवन