नेपाली हास्यव्यङ्ग्य अनलाइन पत्रिका

आँसु झर्दा थाहा हुन्छ को आफ्नो को विरानो
दुःख पर्दा थाहा हुन्छ को आफ्नो को विरानो ।

पारी तार्छु भनी बीचमै छाड्नेहरू धेरै हुन्छन्
भेल तर्दा थाहा हुन्छ को आफ्नो को विरानो ।

कुरा मात्र गरी आफ्नो बन्न खोज्ने धेरै हुन्छन्
पूरा गर्दा थाहा हुन्छ को आफ्नो को विरानो ।

आफ्नो लागि मर्छ तर अर्कालाई कस्ले गर्छ ?
खाँचो टर्दा थाहा हुन्छ को आफ्नो को विरानो ।

सँगै हुँदा थाहा हुन्न नराम्रो नि रामै लाग्छ
थोरै सर्दा थाहा हुन्छ को आफ्नो को विरानो ।

बसेरी– ५, धादिङ