पुरूषाेत्तम सिग्देलबलिया गोजी हुँदा गाढा भएँ
बलिया यी गोजी हुँदा साथी गाढा भएँ
रित्तिए यी गोजीहरू अब टाढा भएँ ।
हुँदाखेरी स्वार्थीहरू घुम्थे वरिपरी
रित्तिएर शून्य हुँदा बनको काँढा भएँ ।
भोको पेट नभरुन्जेल् गाड्थे लोभी आँखा
भोजन पेट्मा पसेपछि रित्तो भाँडा भएँ ।
हरियाली बन हुँदा वर्णन मेरै हुन्थे
शिशिर याम पात झर्दा नाङ्गो डाँडा भएँ ।
सहें जति सहनुथ्यो बाध्यतामा परी
धैर्यको बाँध टुटेकाले गतिछाडा भएँ ।
रचना– जुन, २२, २०१४
Subscribe
Login
0 Comments
Oldest
