पुरूषाेत्तम सिग्देलसरकार र कानुनजस्तै
अस्ताउनै लागेको घाम र जुनजस्तै
जीवन भो हावा फुस्केको बेलुनजस्तै ।
जस्को बोली सुन्न आतुर हुन्छु म
उस्को बोली हुन्छ महँगो सुनजस्तै ।
पाँचतारे होटलमै मिठो पाइन्न आमा
हजुरले बनाएको रोटी र तिहुनजस्तै ।
हिजोआज साठी नाघेका हजुरबाहरू
कहलाइरहेका छन् सोह्रबर्षे तरुनजस्तै ।
तिमी यति अन्जान नबनिदेउन प्रिया
यो नेपालको सरकार र कानुनजस्तै ।
जाजरकोट
Subscribe
Login
0 Comments
Oldest
