नेपाली हास्यव्यङ्ग्य अनलाइन पत्रिका

हजुर नभए
साँढे गोरुझैं को आउँथ्यो–
घण्टी कसले बजाउँथ्यो–
यताउति कसले रातो लाउँथ्यो–
मनपरी गर्न कसले पाउँथ्यो–
त्यो घुमाउने कुर्सीमा को बस्थ्यो–
सरकारी अड्डामा को पस्थ्यो–
त्यत्तिका घूस कसले खान्थ्यो–
कहिलेकाहीं जेल को जान्थ्यो–
हजूर नभए
हजूरको कामै हुँदैनथ्यो ।
साच्चैं नि !
हजूर नभए
मैले नै पनि कसको बारेमा लेख्ने–
कसलाई आँखा तर्ने–
कसको बारेमा कुरा गर्ने–
कसलाई सरापेर निन्दा गर्ने–
कसको आदेश मान्ने–
कसलाई कलिजुगका देवता ठान्ने–
कसलाई निहुरेर ढोग गर्ने–
कसको शरणमा पर्ने–
कसलाई भए नभएको चिप्लो घस्ने–
कसको भक्तिभावमा आनन्दसँग बस्ने–
हजुर नभए
मेरै पनि त कामै हुँदैनथ्यो ।

ओखलढुङ्गा