नेपाली हास्यव्यङ्ग्य अनलाइन पत्रिका

मन्त्रीदेखि पिउनसम्म नारद जत्तिकै गुनगान देखेँ
जहाँ जाउँ आजभोलि कुरौटेकै सम्मान देखेँ

लुते स्याल हँुदारछन् कुर्सी विना नेता पनि
कुर्सी पाए मूसा पनि सिंह जस्तै वलवान् देखेँ

व्यवस्था त उल्ट्यो तर उल्टिएन संस्कार अझै
इमान्दारको छैन भलो, घुस्साहा नै धनवान् देखेँ

नखाउँ दिनभरिको शिकार, खाउँ कान्छाबाउको मुहार
कसरी खाऊँ जागिर हजूर, भोकै मर्ने विधान देखेँ

चैते नेताजीको आज तालुमाथि आलु फुल्यो
कसो गरे फल्छ आलु ? रवि अझै अन्जान देखेँ ।