हुन्छ, हुन्छ
यो वर्ष त संविधानको कुरा हुन्छ, हुन्छ
कुराकानी मिल्यो भने पूरा हुन्छ, हुन्छ ।
भर नपर जसलाई तिमी सधैं आफ्नो ठान्छौ
‘मुखमा राम बगलीमा छुरा’ हुन्छ हुन्छ ।
देशको लागि आहुति नै दिने मान्छे कहाँ
स्कुल जान नपाएका भुरा हुन्छ, हुन्छ ।
सहिदको घरभित्र के होला र धन
पुछिएको सिन्दुर र चुरा हुन्छ, हुन्छ ।
मधुशाला भित्र पसी नपिउँदा के हो ?
पिए पछि सुन्दरी र सुरा हुन्छ, हुन्छ ।
जहदा –७, नवलपरासी