नेपाली हास्यव्यङ्ग्य अनलाइन पत्रिका

एक दिन ब्रम्हा र विष्णुका बीच तँ ठूलो कि म ठूलो भनी चर्काचर्की परेछ ।
दुबै जनाले ‘लौ हिंड् महादेवलाई सोध्न’ भनेर गएछन् ।
महादेवले पनि आफ्नो लँगौटी उचालेर दुबैलाई अह्राउँदै भनेछन्– लौ एउटा उँधो जाओ, अर्को उँभो । उँधोजानेले टुप्पो र उँभो जानेले फेद पत्ता लगाएर मात्र फर्कनू । जो पहिले फर्कन्छ उही ठूलो ।

त्यसपछि विष्णु गरुड चढेर उँधो उडेछन् र ब्रम्हा चाहिँ पुष्पक विमान चढेर उँधो लागेछन् ।
वर्षौंपछि दुबै जना पसीना काढ्दै लखतरान् भएर फर्केछन् र महादेवलाई भनेछन्– प्रभो, हामीले त उँभो–उँधो केही पत्ता लगाउन सकेनौं ।

अनि त्यसपछि महादेवले आफ्नो लँगौटी तल सार्दै भनेछन्– देख्यौ त, को ठूलो रहेछ ? ल अबदेखि को ठूलो भनेर झगडा नगर्नू । सृष्टिको नियम अनुसार आ–आफ्नो काम गर्नू । लौ जाओ फर्क अब ।

ब्रम्हा र विष्णु पनि त्यसपछि आपसमा मुखामुख हेर्दै आ–आफ्नो घरतिर लागेछन् ।

‘जयभुँडी’