नेपाली हास्यव्यङ्ग्य अनलाइन पत्रिका

विकल्प

इनकलाबलाई कहिल्यै मूर्दावाद भनिएन
न्यायलाई कठघरामा उभ्याएको सहिएना
अन्याय न हिजो कम थियो न अस्ति नै
सङ्घर्षको विकल्प त कहिल्यै खोजिएन ।

विदेशी सहयोग

मोमो र म्याक्सी संस्कृतिसँगै
विदेशी सभ्यता भित्रिएको हो,
अनुदान र ऋण सहयोगबाटै
एड्स र सिड्स पसेको हो ।

मङ्की स्टेट

पितृलाई हेला गरेर
दातृलाई हेलो गर्ने
भन्नलाई चाहिँ जनतन्त्र भन्ने
व्यवहार मङ्की स्टेटको गर्ने ?

नेपालीले के जान्यो ?

बुद्धलाई छिमेकीले विवादमा तान्यो
शान्ति देखाउँथ्यौँ उसले क्रान्ति ठान्यो
नेपालीले खै ! के जान्यो ? के जान्यो ??
आफ्नै बाउ, दाजु र भाइलाई गोली हान्यो ।

हिमाल
पर्यटकलाई देखाएर डलर झारर्थ्र्यौं 
आफैँलाई आफैँले मख्ख पाथ्र्यौं
आँगनमा दुन्दुभी छ बलेँसीमा रगत
कठै ! शान्ति भैदिए हिमाल देखाएरै त छाक टार्थ्र्यौं ।

मन्थली, रामेछाप