नेपाली हास्यव्यङ्ग्य अनलाइन पत्रिका

१. नेपालमा लोकतन्त्र आयो ! साँच्चो कुरा !
पञ्चायते पारा भने ! उस्तै उस्तै रह्यो !

२. नेता भन्ने कति कति ! जान्ने बुझ्ने उस्तै
प्रशासक अझै नेता ! उस्तै उस्तै रह्यो !

३. फेसन र व्यसनको वृद्धि कति भन्ने ?
खर्च वढ्नु कति कति ! उस्तै उस्तै रह्यो ।

४. कहाँ हिंड्या ? कार्यक्रम ? काम शून्य मान्छे !
अझ पनि गफै बढी ! उस्तै उस्तै रह्यो !

५. आसन र रासनको चक्र कति कति !
“मै हुँ” अहो ! अजम्बरी ! उस्तै उस्तै रह्यो !

६. यो देशमा नयाँ नौलो छ कि छैन प्रश्न ?
पुरानोको कुईंगन्ध उस्तै उस्तै रह्यो !

७. सी.सी. टी.भी. क्यामेराको जुग आयो अब !
अपराध वृद्धि भने उस्तै उस्तै रह्यो !

८. अख्तियार जति जाग्छ ! भ्रष्टाचार उत्ति !
यो देशको अनुहार उस्तै उस्तै रह्यो !
झर्रो नेपाली घर, चन्द्रगढी झापा